在【瓜瓜島】居住了4年多
說到打火鍋次數, 可說5隻手指數完
主要原因是, 一來是打火鍋食材有限
要是打火鍋, 多數都要等到好像最近天氣一樣
11月中至2月, 晚上, 大約24-26度, 才會打火鍋
早兩天, Sai Sai打火鍋癮起
便準備一些材料, 以解思香之情
【瓜瓜島】沒有肥牛賣, 只好在超市買牛肉
回家後自己切片, 安慰自己, 這算是手切肥牛吧!
枝竹和牛筋丸, 是在中國食品店買的
可以打火鍋的菜, 得一種, 只有生菜
對於Sai Sai來說, 最緊要就是那樽在香港買的
"麻辣火鍋醬", 如果沒有的話, 真是沒有樂趣了
Beu也喜歡打火鍋, 他還說 :
我感受自己好像在香港一樣...
天娜都是第一次跟我們在家吃火鍋
上一次是她幾個月大時
當時, 是襯著她睡覺後, 我倆便烚下烚下
這次打火鍋過後, 滿足了
未來幾個月, 【瓜瓜島】晚上天氣都比較涼
已計劃了, 多些打火鍋
希望能找到更多材料就好了...
冇人陪我食, 我o係呢度冇打過邊爐.
回覆刪除又估唔到喎...聽到你咁講, 感覺唔知點咁...
刪除我唔係好清楚, 你果邊冇香港人or中國人friend架?
你煮野食咁叻, 下次可考慮自己包雲吞做火鍋料喎
回覆刪除好提議呀~~~平時間中都有包雲吞食的, 多數煮埋個麵, 做晚餐
刪除材料都算OK啦
回覆刪除我已經好滿足架啦...
刪除只係再睇下有咩其他材料發現先...hehe...
打邊爐係香港人最喜愛活動之一,真係可以解鄉愁
回覆刪除第一次黎你個blog,你住的地方真係未聽過!
真係全世界都有中國人呢!
Mr and Mrs Leung你好,
刪除打邊爐真係香港人的特色之一
我未住瓜瓜島之前, 都係聽都未聽過, o係地球邊忽都唔知
只係心口有個勇字和跟了他...
目前, 住了4年幾了, 女兒都在這裡出生...
歡迎你隨時來我blog度坐坐, 傾下計, 分享下嘛...